නිර්මලා දැන් කතා කරාවි..


පසුගිය දිනෙක දිවයින පුවත්පතේ සහ ගොසිප් වෙබ් අඩවියක තිබූ පුවතක් කෙරෙහි මාගේ අවධානය ඇදුනේ නිතැතිනි. නිර්මලා වසන්ති කුමාරි නම්වූ ඇගේ කතාව ඉතාම අනුවේදනීය එකක් විය. ඇය ගැන සිතට ඇතිවූ අනුකම්පාව නිසාම, එසැනින් මාගේ බැංකු ගිණුමට අන්තර්ජාලයෙන් ගොඩවූ මම ඇගේ බැංකු ගිණුමට රුපියල් 5000ක් දැමුවෙමි. මැද පෙරදිග අවුරුදු හයක ජීවිතයේ දැනට අවුරුදු 3ක පමණ සිට සෑම මසකම මා රුපියල් 5,000ත් 10,000ත් අතර මුදලක් එවැනි කටයුතු සඳහා වෙන්කර තබන්නේ සිරිතක් වශයෙනි.

එදින වැඩ නිමවා ගෙදර ආවා පමණි…..
මාගේ දුරකතනට ඇමතුමක් ලැබුණි. ඒ මාගේ ඉතාම හිතවත් මිතුරෙකුගෙනි.

“මචං.. අර දිවයින පත්තරේ තිබ්බ ආටිකල් එක කියෙව්වද? අර  ගොළු දරුවෙක්  ගැන දාලා තිබ්බේ..”

“ආ..ඔව් මචං.. මම අද සල්ලි වගයකුත් දැම්මා..” මම කීවෙමි.

“ආ..ඒකත් එහෙමද.. උඹ සල්ලි දැම්මද? … මම මේ බැලුවේ අපිත් කීයක් හරි එකතු කරලා දාමුද කියලා බලන්ඩ..”

“හරි මචං, කරමු.. මට විනාඩි 5ක් දීපන්..මම උඹට කෝල් එකක් ගන්නම්..” මා එසේ කියා දුරකථනය තිබ්බේ, ඒ ගැන ටිකක් හිතන්නට ඕනෑ නිසාය… දිගටම කියවන්න

චීන මිනිස්සු හැමෝම එක වගේලු…


දැන් චීනය තොරතුරු තාක්ෂණය අතින් වේගයෙන් ඉස්සරහට එමින් තියෙන්නේ… ZTE, Huawei වගේ සමාගම් කුඩාවට පටන් අරන් දැන් මහා පරිමාණ සමාගම් බවට පත්වෙලා..

ඉතින් මේ සමාගම් නිරන්තරයෙන් පුහුණු වැඩමුලු පවත්වනවා තමන්ගේ සේවකයින්ට, හැබැයි තියෙන්නේ චීනේ… මගෙ හිතවත් මිත්‍රයෙකුත් ළඟකදී ගියා චීනයට පොඩි පුහුණු වැඩමුළුවකට..

වැඩමුළුවට චීනයට ගිය වෙලාවේ ඉඳලා මූට හෙන ප්‍රශ්නයක් වෙලා තිබ්බේ එහේ මිනිස්සු හැම එකාම එක වගේ වීම…

එක දවසක් අපේ බුවා ට්‍රේනින්ග් එකට එනින් ගමන් පාරෙදී දැක්කලූ පොරට උගන්නන ප්‍රොෆා එනවා ඉස්සරහට.. අපේ ඩයල් එකත් ඉතින් ලංකාවේ පුරුද්දට වෙර වීරිය දාලා පනාවක් දැම්මලු කට කන ගාවට යන්නම… පනාව දාලා මූ නිකන් හිටියේ නෑ.. පොඩි ගොට්ටක් අල්ලන්න ඕනි කියලා හිතිලා, මිනිහත් එක්කම ඇවිදින්න පටන් අරං ඊයෙ උගන්නපු ලෙක්චර් එක ගැන කතාකරන්න ගත්තලු…

එක පාරටම නැවතිලා මූ දිහා බලා හිටපු අර මනුස්ස්යා චීන බාසාවෙන් කුණුහරුප දෙක තුනක් කිය කියා යන්න ගියාලු…

අපේ පොරත් ඉතින් මූ නම් මහ කසඩ මනුස්සයෙක් කිය කිය හිතින් බැන බැන එදා ලෙක්චර් එකට ගියාම ප්‍රොෆා එනවලු වෙන ඇඳුමකින්..

පස්සේ තමයි මූට තේරිලා තියෙන්නේ මූ හිනා වෙලා කතාකරලා තියෙන්නේ වැරදි පොරකට කියලා…

ඔය වගේම තමයි කෑම කන්න ගියාමත්, කාට ඕඩරේ දුන්නද කියලා හොයාගන්න බෑලු..ඔක්කොම වේටර්ලා එක විදියට තමයි ලූ මූට පේන්නේ..

බලං ඉඳලා බැරිම තැන මූ උගෙත් එක්ක ඉගෙන ගන්න තවත් පොරකට කිව්වලු මේක….එහෙම කිව්වට පස්සේ, අර ඩයල් එක හිනාවෙලා එහෙම මූට හොඳ කතාවක් කියලා චීන මිනිස්සු එක වගේ කියන එක ගැන… දිගටම කියවන්න

“චූ පුතා” සහ ඒ ආශ්‍රිත ජනප්‍රවාද


ඉටි කිරිස් කෙලි පොඩ්ඩියෙක් ගෙන් නිකං හග් එකක් ගන්න තිබුනු චාන්ස් එක නැතිවෙච්ච හැටි කලින් පෝස්ට් එකෙන් කිව්වනේ.. ඒක බලන්න බැරි උන අයට මෙතැනින් ගිහින් බලන්න පුලුවන්… එතැන ඉඳලා තමයි අද කතාව..

මාස තුනකට වඩා මොකුත්ම ලිව්වේ නැති නිසා SUB සින්ඩියෙන් හැලිලා ගිහින්, ඒ නිසා මේ දවස් වල කට්ටිය එන්නේ ලාංකීය එකෙන් සහ කොත්තුවෙන් විතරයි. ආයේ ඇතුලත් කරගන්න කියලා දැම්මට තාම උනේ නෑ.. ඒ නිසා වෙනදා වගේ නෙවෙයි බලන ගාන සෑහෙන අඩු වෙලා.. කොහොමත් මේ දවස් වල ලියන ඒවත් මෙලෝ රහක් නැතුව ඇති…

බැක් ටු බ්‍රසල්ස්..

“චූ පුතා” ඉන්නේ ග්‍රෑන්ඩ් ප්ලේස් එකට ලඟින්මයි…

අපි චූ පුතා කියලා නෝන්ඩියට වගේ කිව්වට මේ පිළිමය දැන් බ්‍රසල්ස් වල සංකේතයක් බවට පත්වෙලා අවසානයි…

Mannekin Pis නමින් හඳුන්වන මේ ලෝකඩ ප්‍රතිමාවේ දැක්වෙන්නේ චූ කරමින් ඉන්න කුඩා දරුවෙක්. 1388 දී පමණ හදපු මේ පිළිමය, පසු කාලීනව විනාශවූ නිසා දැන් තියෙන්නේ 1619දී නැවත හදපු ප්‍රතිමාවක්.

පහතින් තියෙන්නේ ඒ චූ පුතා පිළිමයයි..

දිගටම කියවන්න

Free Hug සහ බ්‍රසල්ස් වල තවත් දේ…


පහුගිය අවුරුද්දේ යුරෝපයේ වටේ පොඩි සංචාරයක් යනින් ගමනේ බෙල්ජියමේ බ්‍රසල්ස් නගරයේ දැකපු දේවල් ටිකක් තමයි අද ලියවෙන්නේ…

බ්‍රසල්ස් කියන්නේ යුරෝපීය සංගමයේ මූලස්ථානය පිහිටා තියෙන බෙල්ජියමේ අග නුවරයි. අගනුවර තියෙන ප්‍රධාන සංකේතය තමයි පහතින් තියෙන 1958 Expo World Fair එක වෙනුවෙන් හදපු Atomium එක. යකඩ ක්‍රිස්ටල් එකක ඒකක අණුවක් බිලියන 165 ගුණයකින් විශාල කරාම දැක්වෙන විදියට තමයි Atomium එක හදලා තියෙන්නේ.

මුලින්ම කියන්න ඕන යුරොපයේ අනෙක් නගර වලට වඩා සංචාරකයන්ට අඩු ආරක්ෂාවක් තියෙන නගරයක් තමයි බ්‍රසල්ස් කියන්නේ…ටිකක් හොරකම් එහෙම වැඩියි.. අමු අමුවේ පොකට් එකට විදලා දුවගෙන යන එකට අමතරව පොඩි පොඩි සොඳුරු විදියට කරන හොරකමුත් සිද්දවෙනවා බ්‍රසල්ස් වල…

මගේ හිත ගිය ඒ වගේ සොඳුරු හොරකමක් තමයි ෆ්රී හග් [free hug] එක. ඒක කෙරෙන්නේ මෙහෙමයි… ඔන්න ඔය පහලින් දාලා තියෙන්නා වගේ හොඳට කොටට ඇඳගෙන free hug කියලා ටී ෂර්ට් එක ගහගෙන ඉන්නවා ලස්සන කෙලි පැංචො…

මෙහෙම දකින කාට උනත් හිතෙනවනේ ගිහින් නිකන් දෙන හග් එක ගන්න.. නැද්ද මං අහන්නේ.. දිගටම කියවන්න

පින්තූර ටිකක්…10th Formula 1 Grand Prix of Qatar (2012)


පහුගිය සෙනසුරාදා හවස කටාර් වල දොහා කොර්නීච් එකේ තිබුනු 10වැනි Formula 1 Grand Prix of Qatar හිදී ගත්තු ඡායාරූප කීපයක් තමයි පහතින් තියෙන්නේ..

තරඟය ජය ගත්තේ, පටන් ගත්තු වෙලාවෙ ඉඳලාම ඉස්සරහින් සිටි, අබුඩාබි ටීම් එකේ අහමද් අල්-හමේලි (Ahmed Al-Hameli, Above) දිගටම කියවන්න

ආත්තම්මා සහ දොඩං


ඔන්න එකෝමත් එක රටක හිටියලු එක ගණිකාවක්, අපි කියමුකෝ ෂාෂා කියලා..
ෂාෂාට කාත් කවුරුවත් නැ.. ආච්චි අම්මා විතරයි ඉන්නේ..

නැති බැරි කමට අහවල් කාරිය කෙරුවට, ෂාෂා කැමති උනේ නෑ ආත්තම්මා මේක දැනගන්නවට.. ඒ නිසා උන්දෑට හොරෙන් තමයි කරන දේ කරේ…

ඔහොම යනකොට එක දවසක් පොලිසියෙන් පැනලා ඇල්ලුවා ගණිකාවෝ සෙට් එකක්ම… අපේ පොලිසිය වගේ තමයි ඉතින්, උන් අල්ලන්නේත් අර ස්ව්‍යං රැකියාවක් කරගෙන ඉන්න අහිංසක කෙල්ලෝ විතරයි. ඇයි උන්ව අල්ලන්න ලේසියි… ෆොන් කෝල් දෙක තුනකින් වැඩේ ගොඩ.. පබ්ලිසිටි එක වැඩියි..

හොරු අල්ලන්න, ග්‍රීස් යක්කු අල්ලන්න හෙන ගේමක් දෙන්න ඕන.. ඒ උනාට කිසිම වැදගැම්මක් නැති නිවුස් එකක් නේ ඒක…

ඉතින් කොහොමින් හරි ඔහොම කෙල්ලෝ සෙට් එකක්ම එක තැනකින් අල්ලගෙන පාරට එක්කන් ඇවිල්ලා පෝලිමට හිටෙව්වා.. ෂාෂාත් ඉන්නවා දැන් පෝලිමේ.. දිගටම කියවන්න

ඩ්‍රයිවින්ග් ස්කූල්


මැදපෙරදිග ගොඩක් රටවල් වල රියදුරු බලපත්‍රය ගන්න ඩ්‍රයිවින්ග් ස්කූල් එකකට යන්න ඕන. මම ඉන්න කටාර් වලත් එහෙමයි… සමහර වෙලාවට උපන්දා ඉඳන් එළවපු එකෙක්ට උනත් ලයිසන් එක ගන්න එක ලේසි වැඩක් නෙවෙයි..

කටාර් වල නම් මුලින්ම ඇස් පරික්ෂාවක් තියෙනවා, ඊට පස්සේ සිග්නල් ටෙස්ට් එකක් තියෙනවා.. එක එක ට්‍රැෆික් සයින් පෙන්නලා ඒවායෙ තේරුම අහනවා.. සමහර අය ඉතින් කලබල වෙලා වැඩේ අනා ගන්නවා..

ඒක පාස් උනාම “එල්” එක ගහන්න කියලා ඊට පස්සේ කල්ච් බැලන්ස් ටෙස්ට් එකක්.. ඒකත් පාස් නං පොකට් පාකින් එකක් තියෙනවා කරන්න. රිවස් එකේ පොකට් පාකින් එක ගහන එක ලේසි වැඩක් නෙවෙයි. මොකද වටේට බම්බු තියල තියෙන්නේ.. පොඩ්ඩක් ගෑවුනාම ඔක්කොම වැටෙනවා.ගොඩක් අය ඕකෙන් ෆේල් වෙන නිසා දැන් නම් ඒක අයින් කරලා නිකන්ම නිකන් පාකින් එකක් කරන්න තියෙන්නේ. එකථ් පාස් උනාම පොලිස් කාරයා දාගෙන රෝඩ් ටෙස්ට් එකක් යන්න ඕනි. එකත් පාස් උනොත් තමා ලයිසන් එක දෙන්නේ…

ඔන්න ඔය කියපු සන්තැසිය නිසා ඒකාලේ ලයිසමක් ගන්නවා කියන එක බුදු ගේමක්… ලයිසන් තියෙන අය නිකන් ලෝඩ් පකීර් ලා වගේ තමයි හිටියෙ.. අපි වගේ එක පාරින් ලයිසම ගත්තු අය නිකන් හිටියෙ මයිකල් ෂූමාකර්ලා වගේ… දිගටම කියවන්න