විදුලිය පිරිමැසීම


විදුලිය පිරිමැසීම ගැන ආයෙත් කතා කරන්න හිතුනා. මොකද ඒක ඉතාම කාලීන මාතෘකාවක් නිසා සහ මම කලින් ලිව්ව සටහනට හොඳ ප්‍රතිචාර ලැබුන නිසා. 😀

විදුලිය සුරැකීම සොබා දහම සුරැකීමකි. ගොඩක් දෙනා මේක අහන්න කැමති නැති වෙන්න පුලුවන්, ඒත් අපි යම්කිසි විදුලි උපාංගයක් ප්ලග් කරන හැම වෙලාවෙම පරිසර දූෂනයක් සිදුවෙනවා. අපේ ගෙදර ප්ලග් එක හොද පිරිසිදුවට තිබුනට, ඒ හානිය වෙන්නෙ අපිට විදුලිය දෙන විදුලි බලාගාරයේ. ඉතින් එහෙම කියලා ඒවා පාවිච්චි නොකර ඉන්න බැරි බව ඇත්ත. නමුත් ප්‍රශ්නය තියෙන්නෙ මේ සම්පත් සදාකාලිකව අපිට තියෙන්නෙ නැතිවීම තුලයි. ඒ නිසා විදුලිය අරපිරිමැස්මෙන් පාවිච්චි කිරීම අපේ වගකීමක් වෙනවා.

පරිසර හානිය ගැන කතාකරාම හැමෝම කියන්නෙ එක වෙන්නෙ පාරෙ දුවන වාහන වලින් සහ කර්මාන්ත වලින් කියල. නමුත් ඇත්තටම බැලුවොත්, සාමාන්‍ය වාහනයක් සිදු කරනවාට වඩා වැඩි පරිසර හානියක් සාමාන්‍ය නිවසකින් සිදුවෙනවා.විදුලිය සුරැකීම සහ ගොලීය උණුසුම්වීම ගැන මුලින්ම කත කරපු 80 දශකයේ හිටපු විද්‍යාඥයෙක් වන James Hansen මහත්මයා තමඉ මේගැන කියලා තිබ්බෙ. මේ දත්ත ලොකයේ සාමාන්‍ය අගයක් නිසා ඒ අයුරින්ම ලංකාවට ඇත්ත නොවෙන්න පුලුවන්. මොකද ලංකාවෙ අපි වායුසමීකරන සහ හීටර් පාවිච්චි නොඅකරන නිසා. නමුත් ඒක ආසන්න අගයක් වෙනබවට කිසි සැකයක් නැහැ. ඒ නිසා විදුලිය සුරැකීමෙන් සුරැකෙන්නෙ ඔබේ පොකට් එක විතරක් නෙවෙයි කියන එක තේරුම්ගැනීම තමයි වැදගත්වෙන්නෙ.

සූර්ය්‍ය බලශක්තිය විසඳුමක්ද? ඛනිජ ඉන්ධන වල ආයුකාලය ඉතා ඉක්මනින් අඩුවේගෙනයන අතර ඒ නිසාම න්‍යෂ්ටික බලශක්තිය යොදාගන්න මිනිසා උනන්දුවෙලා තියෙනවා. ඉන්ධන අර්බුදයට සූර්ය්‍ය බලශක්තිය ඉතා හොඳ විසඳුමක්. නමුත් ප්‍රශ්නය තියෙන්නෙ ඒ සඳහා දැරියයුතු මූලික වියදම ඉතා වැඩි වීමයි. කොහොමටත් ගෘහස්ත විදුලි පරිභෝජනය අඩු කරන්න සූර්ය්‍ය බලශක්තිය යොදාගැනීම ප්‍රායෝගික නැහැ තවම ලංකාව වගෙ රටකට. (උණු වතුර සඳහා සූර්ය්‍ය බලය යොදාගැනීම වෙනත් ආකාරයකින් සූර්ය්‍ය ශක්තිය පරිවර්තනය කරන ක්‍රියාවක් නිසා මෙහිදී ගනන් නොගැනේ) ඒ නිසා ගෘහස්ත විදුලි පරිභෝජනය අඩු කරන්න අඩු කරන්න කළහැකි හොඳම දෙය ජනතාව දැනුවත්කිරීම බවයි මගේ නම් අදහස.

ඇත්තටම හිතල බැලුවොත් විදුලිය සුරැකීම ඉතා ලෙහෙසිදෙයක්. වෙලා තියෙන්නෙ උවමනාවක් නැතිකම, කම්මැලිවීම සහ අනවබෝධයයි.

දැන් අපි බලමු කොහොමද විදුලිය පරිභෝජනය අඩු කරගන්නෙ කියලා…

වතුර කෝප්පයක් උණු කරගන්න විදුලි කේතලය භාවිතාකිරීමද, microwave එක භාවිතා කිරීමද වඩා පිරිමැසුම්දායක වෙන්නෙ කියලා හිතනවාට වඩා වඩා වැදගත් ගෙදරක ලොකුම පාරිභෝජකයා හොයාගන්න එක.

ගෙදරක ලොකුම විදුලි පරිභොජනය කරන්නේ මොනවාද?
1. වායුසමීකරණ යන්ත්‍ර
2. Heaters.
3. Domestic Water Heaters
4. Electric Clothes Dryer
5. විදුලි ලාම්පු ( ඔබ CFL ලාම්පු භාවිතා නොකරනවානම්)
6. ශීතකරනය( 2001 ට පෙර නිශ්පාදිත නම්)

කොහොමද ඉතිරිකරගන්නේ?

1. නිවසේ වායුසමීකරණ සහ හීටර් යන්ත්‍ර භාවිතා කරන්නේ නම් එය එක් කාමරයකට පමනක් සීමකරන්න උත්සාහ කරන්න. සමහර රටවල් වල පවතින කාලගුණික තත්වයන් නිසා මෙය කරන්නට අසීරු දෙයක් වෙන්න පුලුවන්. නමුත් උත්සාහ කිරීම වැදගත්.
2. වායුසමීකරණ වෙනුවට හැකිනම් විදුලිපංකා භාවිතාකරන්න.
3. භාවිතානොකරන හැම විදුලි පහනක්ම නිවාදමන්න.
4. ඔබ රෙදිසෝදන යන්ත්‍රයක් භාවිතා කරනවා නම් උණු වතුරෙන් රෙදි සෝදනවා වෙනුවට ඇල්වතුරෙන් සෝදන්න.
5. භාවිතා නොකරන වේලාවට ඔබේ පරිගණකය “ස්ලීප්” කරන්න. CRT මොනිටරය නිවා දමන්න.
6. රෙදි වේලීම සඳහා විදුලිය භාවිතාකිරීමෙන් වලකින්න.
7. හැකි පමනින් CFළ් විදුලි ලාම්පු භාවිතා කරන්න.
8. ඔබේ රෙදිසොදන යන්ත්‍රය Top-Loading එකක් නම්, එය Front-Loading එකකට මාරු කරන්න
9. ඔබේ ශීතකරනය 2001 ට පෙර නිශ්පාදිත එකක් නම්, එය මාරු කරන්න.
10. කිසියම් විදුලි උපකරනයක් ගන්නා විට එහි විදුලි පරිභෝජයන ගැන සලකා බලන්න. සැමවිටම අඩු විදුලිධාරිතාවක් ඇති උපකරන භාවිතාකරන්න.

මෙහි ලියා ඇති සමහර උපදෙස් ඉතා ලෙහෙසියෙන් කල හැකිවුවත් සමහර ඒවා එක්වරම කලනොහැකි ඒවා වන්නට පුලුවන්. උදාහරණයක් විදියට ශීතකරනය මාරු කිරීම වගේ දේවල්. නමුත් කෙනෙක් අලුතින් උපාංගයක් ගන්න යනවානම් වෙය වැදගත් වේවි.

මේ ගැනත් හිතල බලලා අපි අප නිසා ලෝකයට ඇතිවී ඇති බර පොඩ්ඩක් අඩු කරමු.

Advertisements

3 responses to “විදුලිය පිරිමැසීම

  1. “නමුත් ඇත්තටම බැලුවොත්, සාමාන්‍ය වාහනයක් සිදු කරනවාට වඩා වැඩි පරිසර හානියක් සාමාන්‍ය නිවසකින් සිදුවෙනවා” –
    එක නම් හරියටම හරි. වාහන වලින් වන පරිසර හානිය අපිට පැහැදිලිවම පේනවා මොකද එක සෘජුවම වන දෙයක් නිසා ඒත් ගොඩනැගිලි නිසා වන හානිය පැහැදිලිව පෙනෙන්නේ නැ ඒක වක්‍රව සිදුවන එකක නිසා.
    ————–
    ප්‍රවාහන ක්ශේත්‍රය ගැන බෝහෝ දෙනා අවධානය දැක්වුවද පරිසරයේ උෂ්නත්වය ඉහලයැම සදහා වැඩි දායකත්වයක් ලබාදෙන්නේ ගොඩනැගිලි මගිනි.

    ඇමරිකා එක්සත් ජනපදයේ දත්තයන්ට3 අනුව එරට ශක්ති පරිභෝජනයෙන්(ප්‍රස්තාරය A) භාගයක් පමණ භාවිතා කරන්නේ ගොඩනැගිලි සදහාය.එමෙන්ම එරටින් විමෝචනය කරන හරිතාගාර වායු වලින් අර්ධයකට හේතුව ගොඩනැගිලිය. එමෙන්ම සමස්ත ලෝකයේම බලශක්ති පරිභෝජනය හා හරිතාගාර වායු විමෝචනය ගත් කල එම ප්‍රමානයන් මිට වඩා විය හැකිය. එරට නිපදවන විදුලි බලයෙන් 76% (ප්‍රස්තාරය B) පමණ වැය වන්නේ ගොඩනැගිලි සදහාය.
    (From: http://www.qsonline.info/2009/07/sustainable-construction.html )

  2. ඇත්තටම හිතල බැලුවොත් විදුලිය සුරැකීම ඉතා ලෙහෙසිදෙයක්. වෙලා තියෙන්නෙ උවමනාවක් නැතිකම, කම්මැලිවීම සහ අනවබෝධයයි.

    200% agreed.

    🙂

  3. විදුලිය පිරිමැසීම ගෙදරින්ම පටන් ගන්න එක හොදයි තමා, නමුත් මහා පරිමාණයෙන් වෙන විදුලි නාස්තිය තමා විශේෂයෙන්ම නවත්තන්න ඕනෙ.

    බලන්න රජයේ ගොඩනැගිලි තුල වෙන දේ, අනෙක් එක පාරවල් වල තියෙන වීදි ලාම්පු සමහර වෙලාවට උදේ 8 විතර වෙනකම් දැල්වෙනවා.

    තුන්මං හන්දි වල, නගර වල ගොඩනැගිලි වල ලස්සනට දාල තියෙන බල්බ් වැල් දිහා බලපුවහම හිතෙන්නෙ නම් අපි න්‍යෂ්ඨික ක්‍රමයෙන් විදුලිය නිපදවනවා වගේ කියලයි.

    වැඩිය ඕනෙ නැහැ, කැලනිතිස්ස බලාගාරෙ අයිනෙ, අලුත් පාලම කිට්ටුවෙන් තියෙන පාට පාට බල්බ් වැල් දිහාම බලන්න

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )