අත්‍යාවශ්‍ය නම් පමණක් ප්‍රින්ට් කරමු.


ඔබේ කන්තෝරු කාමරය හරි ඔබ දැන් ඉන්න තැන ගැන පොඩ්ඩක් හිතන්න. කඩදාසි වලින් හදපු කොපමණ දේවල් තිබේද? වැඩිය දුර යන්නේ නැතුව හිතුවොත්, අපි දිනකට කොපමන කඩදාසි ප්‍රමාණයක් භාවිතා කරනවාද? උදෑසන පත්තරය, ටොයිලට් පේපර්, වතුර බෝතලයේ ලේබල් එක, බස් ටිකට් එක, සල්ලි, ටිෂු, කියවන පොත, කඩදාසි බෑග්, රිසිට්, කෑම එක ඔතාගෙන ආ කඩදාසිය, … මේ වගේ ලොකු කඩදාසි ප්‍රමාණයක් අපි දිනකට භාවිතා කරනවා.

කඩදාසි කරමාන්තය ලොව වැඩිම බලශ්තිය භාවිත කරන කර්මාන්ත අතරින් ඉන්නෙ 5වැනි තැන. කඩදාසි කරමාන්තය තමයි ලොව වැඩියෙන්ම වතුර භාවිතා කරන කර්මාන්තය. කඩදාසි ටොන් 1 ක් නිපදවන්න වතුර ගැලුම් 2000ත් 10,000ත් අතර ප්‍රමාණයක් වැය වෙනවා. මේ විශාල ජල පරිභෝජනය නිසා පරිසර අර්බුද රැසක් හටගෙන තිබෙනවා. උදාහරනයක් වශයෙන් මැද පෙරදිගට කඩදාසි නිපදවන ලෙබනනයේ ඇති ගංගා සියල්ලකම පාහේ ජල මට්ටම අඩුවී සිඳීයෑමේ තර්ජනයට ලක්වී තිබෙනවා. ඒ වගේම දළ වශයෙන් 10ත් 17ත් අතර අතර ගස් ප්‍රමාණයක් අවශ්‍යවනවා කඩදාසි ටොන් 1ක් නිපදවීමට. කඩදාසි කර්මාන්තය නිසා සිදුවන පරිසර හානිය වැඩි නිසා කඩදාසි අඩුවෙන් භාවිතා කරන්න අප සියලුදෙනා පුරුදුවිය යුතුයි.

ඔබට යමක් අත්‍යාවශ්‍ය නම් පමණක් ප්‍රින්ට් කරන්න. අපේ ඔෆිස් එකේ ගොඩාක් අය පුරුදු වෙලා ඉන්නවා තමන්ට එන ඊ-මේල් සියල්ල ප්‍රින්ට් කරල ගොණු කරල තියන්න. ඒක දැකල තමයි මේක ලියන්න ඕන කියල හිතුනෙ. එය ඇත්තෙන්ම කළයුතු දෙයක් නෙවෙයි. ඔබට අවශ්‍ය වෙලාවක ගන්න ඊ-මේල් එක පරිගණකයේ තිබෙනවා. ප්‍රින්ට් කරලා ගොණු කරනවාට වඩා තමන්ගේ ඊ-මේල් එක ඇතුලෙ ගොණු හදාගෙන ඊ-මේල් වර්ගකිරීමෙන් ප්‍රින්ට් කිරීමෙන් වළකින්න පුලුවන්.

ඒ වගේම ටෙස්ට්-ප්‍රින්ට් ගන්න එකත් හැකිපමණින් අඩුකරන්න පුරුදුවීම ඉතාවැදගත්. හරිහැටියට “Print-Preview” function එක භාවිතා කරන්න දැනගෙන සිටීමෙන් ටෙස්ට්-ප්‍රින්ට් වලට නිකරුනේ කඩදාසි නාස්තිකිරීමෙන් වළකින්න පුලුවන්.

ඒ වගේම ගොඩාක් දෙනා කරන දෙයක් තමයි තමන්ගාව soft-copy වශයෙන් තිබෙන පොත් ප්‍රින්ට් කර කියැවීම. මෙයත් හැකි තරම් අවම කළයුතු දෙයක්. ඔබට හැකිනම් ඒවා පරිගණකයේම කියවන්න පුරුදුවෙන්න.

අප සියලු දෙනාටම කඩදාසි අත්‍යාවශ්‍යයි, එක ලෝකයේ ස්වභාවය. මොකද රාජකාරී වශයෙන් වලංගු වන්නේ ලිඛිත සාක්ෂි (Documented-proof) නිසා. නමුත් කඩදාසි අවම වශයෙන් භාවිතාකිරීමෙන් පරිසරය සුරකින්න එක්වෙන්න.

Advertisements

2 responses to “අත්‍යාවශ්‍ය නම් පමණක් ප්‍රින්ට් කරමු.

  1. අනිවාර්යෙන්ම මේක අපි පිළිපැදිය යුතුයි. මට නම් ගහ කොළ නැතුව ජීවත් වෙන්න බැ

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )