මහත්මයන්ගේ ක්‍රීඩාවෙන් මහත්මා විදියට සමුගැනීම.


ලංකාවෙ අපිට ක්‍රිකට් කියන්නෙ අලුත් දෙයක් නෙවෙයිනේ. අපි හැමෝගෙම ජීවය වගෙ තියෙන ක්‍රීඩාව හෑල්ලුවට ලක්වෙන එක බලන් ඉන්න පුලුවන් දෙයක් නෙවෙයි. මට මෙහෙම කියන්න හිතුනෙ පහුගිය දවසක ලක්බිම පත්තරේ පල වෙලා තිබ්බ කාටූන් එකක් දැකලා. ඒ කාටූන් එක පහල අමුනලා තියෙනවා. දැන් ඉතින් මවුස් එකේ රෝදෙ කරකවලා පහල බලන්න ඉස්සෙල්ල ඉතිරි ටිකත් කියවලා ඉන්න. කියවගෙන යනකොට රූපෙ මතුවෙයි.

අපි ඔක්කොම දැකල තියෙනවා කොහොමද ඕස්ට්‍රේලියානු ක්‍රිකට් ක්‍රීඩකයන් සමුගෙන යන්නෙ කියල. ගොඩක් දෙනා ඇඟේ තවමත් ක්‍රිකට් තිබ්බත් ගෞරවණීය විදියට සමුගෙන යන්නේ ලෝකෙම උපහාර මැද්දෙ. මෑත කාලෙක ඉඳලා ලංකවේ නම් වෙන්නෙ එකේ අනිත් පැත්ත.

ලෝක පූජිත ක්‍රීඩකයන් වෙච්ච අර්ජුනට, අරවින්දට පවා ඔවුන් කරපු සේවයට හරියන විදියට ගෞරවණීය සමුගැනීමක් තිබ්බෙ නැති එක, ක්‍රිකට් ලෝලීන් විදියට අපි ලබාපු පැරදීමක්. මහානාම, ගුරුසිංහ, මාවන්, කලූ, වාස් වගේ අපිට හිටපු වටිනා ක්‍රීඩකයන් ඔක්කොටම වාගේ තිබ්බෙ වේදනාත්මක සමුගැනීම්. ඒ ක්‍රීඩකයන්ගෙ පැත්තෙන් බැලුවම මේක එයලට වෙච්ච ලොකු අසාධාරණයක්. මේකට දේශපාලනයෙත් ලොකු බලපෑමක් තිබෙන බව ඇත්ත. නමුත් වැඩිමනක් දෙනාට එහෙම උනේ සමුගෙන යන්න අමතක වීමෙන්.

ඒ ලිස්ට් එකට අලුතින්ම එකතු වෙලා ඉන්නෙ අපි කවුරුත් ඉතාමත් ආදරය කරන සනත්. අරවින්දට පස්සෙ, ලංකාවේ ක්‍රිකට් වල වීරයා උනේ සනත්. දේශපාලන දැක්මකින් තොරව හිතල බැලුවොත්, සනත් මහත්මයා කරන්නෙ එතරම් හරි වැඩක් නෙවෙයි කියලයි මගේ නම් හිත කියන්නෙ. සනත්ගෙ වයස නම් ප්‍රශ්නයක් නෙවෙයි, වැඩ හොඳ නම්. ප්‍රශ්නෙකට තියෙන්නෙ එතුමා ක්‍රීඩාවෙන් සමුගන්නෙ නැතුව දේශපාලනයට ගියපු එකයි. කෙනෙක් අහන්න පුලුවන්, කවුරුහරි ක්‍රිකට් ගහන ගමන් රඟපෑවොත් හරි සින්දු කිව්වොත් වැරැද්දක් නැත්නම් දේශපාලනය කරාම මොකෝ කියලා. නමුත් කෙනෙක් එකම ඉස්කෝලෙක විදුහල්පති සහ ශිෂ්‍යයෙක් වෙලා ඉන්නවානම් ඒක ටිකක් හරිමදි නේද?

අපි දැකල තියෙනවා දේශපාලනයට ඇවිත් තමන්ගේ කීර්තිනාමය නැතිකරගත්තු ක්‍රීඩකයෝ. සනත් මහත්මයාට වත් එහෙම නොවෙන්න කියල මම පතනවා. ඒ වගේම සනත් මහත්මයා මන්ත්‍රී කෙනෙක් උන දවසටවත් ක්‍රිකට අතාරින්න වාසනාව ලැබේවා කියල පතනවා.

දර්ශන කරුණාතිලක ගෙ මේ කාටූන් එක දැකල තමයි මට නම් එහෙම හිතුනෙ. මේ කාටූන් එකේ මම ලියල තියෙන දෙවල් ඔක්කොම කැටිවෙලා තියෙන නිසයි අන්තිමටම ඇමිනුවේ….

Advertisements

2 responses to “මහත්මයන්ගේ ක්‍රීඩාවෙන් මහත්මා විදියට සමුගැනීම.

  1. ජයසූරිය ක්‍රිකට් වලට සමුදීල ගොඩක් කල්.. (මම කිව්වෙ “Officially සමුදීල”… 😛 ආපහු සෙල්ලම් කරන්නෙ ඇයි කියල හිතාගන්න පුලුවන් නෙ.. 😉 )

  2. I did not understood this add for the first time. I thought they are talking about Karu Jayasooriya. Now I understand this is about Sanath. I like to see how he bats with all this people.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )