එක එක නමින් ගන්නට ඇති “සිලෝන් ටී” ..


ශ්‍රී ලංකාව තේ නිශ්පාදනයට ප්‍රචලිත රටක්. තේ යනු ලංකාවේ ප්‍රධාන අපනයන ද්‍රව්‍යක් වගේම ප්‍රමුඛ ආදායම් මාර්ගයක්. දශක ගනනාවක අනර්ඝත්වයේ ප්‍රතිඵලක් ලෙස ශ්‍රී ලාංකීය තේ විවිධ රටවල් වල ඉතා ජනප්‍රියයි… මේ නිසාම ” සිලෝන් ටී” [Ceylon Tea] යන වෙළඳ නාමය දසත පැතිරී ගිය එකක්.. මෑතක සිටන් ලංකාවේ තේ කර්මාන්තය පසුබෑමකට ලක්වී ඇති බව නොරහසක්.. කෙන්යාව වැනි රටවල් ලංකාව අභිබවා තේ අපනයනය කරන්නට සමත් වෙලා.. ඒ පසුබෑම ගැන කතාකිරීම් වෙනම මාතෘකාවක්.. මොකද තේ සඳහා වෙනම පර්යේෂණාගාර සහ අනෙකුත් සියලුම පහසුකම් තිබියදී අංක එකෙන් බිමට වැටුනේ කියන එක ලොකු ප්‍රහේලිකාවක්…

මම කියන්න යන්නේ අද කටාර් වල එක්තරා වෙළඳසැලකට මම ගිය වෙලාවෙ දැක්ක දෙයක්…

ගෙදර තේ ඉවරවෙලා නිසා මම ගියා තේ තියෙන රාක්ක පෙදෙසට…

එක පාරටම මට පුරුදු සිංහයෙක් ගේ සංකේතයක් ඇහැ ගැටුනා.. බැලින්නං ” සිලෝන් ටී” !!

ඩිල්මා වගේ තේ වර්ග දැකල තිබුනට මේ තේ වර්ගය පුරුදු එකක් නොවෙන නිසා හොදින් විපරම් කරල බැලුවා…

එක රාක්කයක් පුරවලාම “සිලෝන් ටී”…. !!!!

එක එක වර්ගයෙන් සිලෝන් ටී… කවදාවත් අහල නැති නම් වලින්…

ඉතාම බාල තත්ත්වයේ ඇසුරුම් වලින්…රාක්ක පුරෝලා…

මම එකින් එක අතට අරන් බැලුවා…

ලෙබනනයේ, ජොර්දානයේ, වගේ තැන්වලින් තමයි පැක් කරලා තියෙන්නේ.. නමුත් ලේබලය ” සිලෝන් ටී” ….

ශ්‍රී ලංකා තේ මණ්ඩලයේ ලියාපදිංචි අංකයක් හෝ “සිලෝන් ටී” ප්‍රමිති සහතිකයක අංකයක් හෝ ගහලා නැහැ…

ඒ රාක්ක පුරෝලා තිබ්බ ” සිලෝන් ටී” වල පින්තූර ටිකක් පහත අමුනලා තියෙනවා…

[සැ/යුතු: එක් පිතූරයක කොනකින් දැක්වෙන Stassen තේ වර්ගය නම් ලංකාවේ ප්‍රචලිත ව්‍යාපාරික හැරී ජයවර්ධන මහතාගේ  Stassen ව්‍යාපාරයට අයත් එකකි. ඒ පිළිබඳ ගැටලුවක් නැත. ]

” සිලෝන් ටී” සිංහ ලකුණ ගහන්න අවශ්‍ය කරන කරුණු මෙතන ලියලා තියෙනවා…එතන කියන විදියට පිටරටවල් වල සිටින ආනයන කරුවන්ට සිංහ ලකුණ යොදන්න බැහැ ඒවා ලංකාවේ දී පැක් කරලා නැත්නම්…

මේ නානාප්‍රකාර තේ වර්ග නිසා දැන් එම වෙළඳ සැල් වලට Mlesna, Dilmah වැනි නමගත් තේ වර්ග ගේන්නේ නැහැ…මට නම් හිතෙන විදියට මේක අපේ “සිලෝන් ටී” කීර්ති නාමය නම විකුනලා කරන කූට ව්‍යාපාරයක්…

තේ අපනයනය පහත වැටෙන්න මේ වගේ හේතුත් බලපාන්න ඇති කියල හිතෙනවා….

වගකිවයුත්තෝ මේ ගැන හොයලා බලත්වා කියල විතරයි කියන්න තියෙන්නේ…

Advertisements

10 responses to “එක එක නමින් ගන්නට ඇති “සිලෝන් ටී” ..

  1. බොහොම වැදගත් කාරණයක්. ලංකාවෙ තේවල ගුණය බාල කිරීම කොහොමත් කෙරෙනවා ඉන්දියාවෙන් ගෙන්වන තේ අපේ තේ සමඟ මිශ්‍ර කිරීමෙන්. මේ වැඩෙන් ඒ ගුණාත්මක බවත් නැති වෙනවා! වගකිවයුත්තන්ගේ අවධානයට ලක්ව ක්ෂණික ක්‍රියාමාර්ග ගතයුතු කාරණයක් මේක. ස්තුතියි මේක ප්‍රසිද්ධ කළාට.

  2. අපේ රට අපි කනව මදිවට දැං කොහෙවත් ඉන්න එවුනුත් කනවනේ! 😦

    ලංකාවෙන් ඒ ඒ රටවල රජයන්ට පැමිණිලි කළොත් විසඳුමක් ලබාගන්න බැරි වෙන එකක් නෑ!

  3. ඕව ඔහොම තමයි. ලංකාවෙ උඩ දාගෙන විකුණන ceylonta වල තියෙන්නෙත් ඉන්දියාවෙ තේ.

  4. මෙක ලොකු අර්බුදයක් වෙනවා ලංකාවට……..ලංකාව තේවලට තියගෙන ඉන්න නම කැතවෙනවා….ඔය හොරවැඩෙන්……ඔහේ තියන තානාප්ති …..කාර්යාලය..දැනුවත් කලොත් නරකද….මේක පසුපසත් ලංකාවේ නිශපාදන ගන්න එපා කියන වැඩේ තියනවද දන්නේ නැ හැ නෙද…. ඔකෙන් ලංකාවට තාමා පාඩු……

  5. මෙවැනි දේ ගැන වගකිවයුත්තන්ගේ අවධානය යොමුවිය යුතුයි! වැදගත් ලිපියක්.

  6. පින්ග්කිරීම: Tweets that mention එක එක නමින් ගන්නට ඇති “සිලෝන් ටී” .. « සීත සමීරෙන්… -- Topsy.com

  7. ඔව් මේකට මොකක් හරි කරන්න ඕනේ

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )