ගුවන් අනතුරු වලින් නැතිවන ජීවිත..?


අද දවසේ ප්‍රධානම පුවත උනේ පාකිස්තානයේ අගනුවර ආසන්නයේ සිදුවූ ගුවන් අනතුරයි… තාක්ෂණය මෙතරම් දියුණුව පැවතුනත් දිනෙන් දින නවීනතම පන්නයේ ගුවන් යානා එලිදැක්වූවත්, මේ ගුවන් අනතුරු වළක්වාගන්න තවමත් හැකිවී නැහැ..

පසුගිය දශකය පුරාම වසරකට බරපතල ගුවන් අනතුරු 6 බැගින් සිදුවෙමින්, වසරකට ජීවිත 500-600 ක් පමණ අහිමිවෙමින් පවතිනවා.. මේ අනතුරුවලට ප්‍රධාන හේතුව වන්නේ මිනිස් වැරදියි. ඒ වගේම දුර්වල නඩත්තුකිරීම් සහ විවිධ තාක්ෂණික හේතුනුත් නිසා ගුවන්යානා අනතුරට ලක්වෙනවා…

1998 සිට මේ දක්වා සිදුවූ ප්‍රධාන ගුවන් අනතුරු පිළිබඳ සංක්ෂිප්ත සටහනක් බී.බී.සී අඩවියේ දක්වා තිබුනා..

හැම ගුවන් අනතුරකටම හේතුව පරීක්ෂාකිරීමට සමීක්ෂණයක් සිදුකෙරෙන අතර, ඒ ආකාරයෙන් එම වැරැද්ද යලිත් සිදුනොවීමට වගබලාගැනීමට සැවොම දැනුවත් කෙරෙන අතරම එවන් වැරදි අඩුකරගැනීමට අවශ්‍ය තාක්ෂණික මෙවලම් ද නිර්මාණය කර ගුවන්යානා වලට සවිකෙරෙනවා.. අමෙරිකාවේ National Transportation Safety Board [NTSB] ආයතනය මේ පරීක්ෂණ සහ නිගමන වාර්තා නිකුත්කරන සහ අධ්‍යයනය කරන ප්‍රමුඛතම ආයතනයයි…

මේ අයුරින් කෙරෙන දීර්ඝ සහ අඛණ්ඩ පරීක්ෂණ වල ප්‍රතිඵලයක් ලෙස අද වනවිට ගමන්කෙරන දුරට සාපේක්ෂව ගුවන් ගමන ලොව සුරක්ෂිතම ප්‍රවාහන මාධ්‍යයන්ගෙන් එකක් බවට පත්වී තිබෙනවා…

කෙසේ වෙතත් අනෙක් කවර අනතුරකට වඩා ගුවන් අනතුරකට ලැබෙන ප්‍රසිද්ධිය සහ අවධානය ඉතා වැඩියි… ඒ ප්‍රධාන වශයෙන්ම එක් ගුවන් අනතුරක් හා බැඳී තිබෙන ජීවිත ප්‍රමාණය වැඩි නිසා සහ ගුවන් ගමන් පිළිබඳ කාගේත් සිතේ ඇති චකිතය නිසා වියහැකියි.. කෙසේ වුවත් ගුවන් ගමනේ ඇති වේගය, විභව ශක්තිය ඇතුළුව යානාවක ඇති අධි ගම්‍යතාව නිසා බොහෝමයක් අනතුරු මාරාන්තික වීම වැළක්විය නොහැකියි.

කෙසේ නමුත් සෑම වසරකදීම සිදුවන මේ ගුවන් අනතුරු වලින් අහිමිවන්නේ වටිනා මිනිස් ජීවිතයි.. මේ ජීවිත සුරක්ෂිත කිරීමට මීටවඩා සැලකිලිමත් වියයුතුබව මගේ හැඟීමයි..

ප්‍රහාරක ගුවන්යානා නියමුවන්ට තියෙන්නාවගේ විසර්ජන පුටුවක් [ Ejection Seat] මගී ගුවන් යානාවලටත් හඳුන්වාදිය හැකි බව මගේ මතයයි.. මෙහිදී ගුරුත්වයට එරෙහිව යෑමට ක්ෂණිකව ඇතිකෙරෙන අධි පීඩනය සහ විසර්ජනය නිසා එක් එක පුටුවට මෙවන් පද්ධතියක් සවිකිරීමට පුටු දෙකක් අතර පවතින දුර වැඩිකිරීමට සිදුවීම පාඩුවක් විය හැකියි..

නමුත් මගේ අදහස නම් සියළුම මගීන සහිතව තට්ටුව කොටස් කිහිපයකින් හෝ විසර්ජනය කිරීමට ඇති හැකියාව අහක දැමිය යුතු නැති බවයි… මේ අයුරින් යානය කඩාවැටීමට ආසන්නතම අවස්ථාවකදී ගුවන් නියමුවන්ට මගීන් විසර්ජනය කිරීමට අවස්ථාව සැලසෙනු ඇති..

ප/ලි : ජීවිතය අනිත්‍යය… මා ඔහුගේ හොඳ නරක දන්නේ නැත.. කිසි දිනෙක මා ඔහු දැනගෙන සිටියේද නැත.. මා ඔහුගේ බ්ලොග් සටහන් කියැවූ තවත් එක් පුද්ගලයේක් පමණක් වීමි… එබැවින් ඔහුගේ ගුණගැයුමට මා දන්නේ නැත.. නමුත්, … ‘බ්ලොග් අවකාශයේ අප අතර සිටි හදිසියේ සමුගෙන ගිය කුමුදු පින්තෝ මහතාට නිවන් සුව ලැබේවා!’ යන්න කීමට පමණක් අවශ්‍යයව ඇත.

Advertisements

4 responses to “ගුවන් අනතුරු වලින් නැතිවන ජීවිත..?

  1. කොහොම උනත් ගුවන් අනතුරු වලින් මැරෙන අය ගොඩක් වාසනාවන්තයි එකපාරම මැරෙනව ලොට් වෙක පිටින්ම…

  2. එක සැරයක් මම ගියපු යානෙ එයාර් පොකට් එකකටද කොහෙද වැටිල කඩා වැටෙන්න ගත්තෙ නැතෑ. මම හිතුව ආයෙ එදා නං මහ බඩු තමයි කියල. මයිල් ඉස්මයිල් වෙනව මතක් වෙනකොටත්..

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )